انا ما هزني غيرك............

أنا ما هزني غيرك حبيبي بالبشر إنسان
ولا حبيت أبد قبلك ولا أفكر أحب ثاني

دخيل الليل والقمر أو النجم في سمانا ضال
ودخيل الحب وعيونك ودمعا ً غرق أوجاني

أبي حبك يزلزلني يفجر داخلي بركان
أبيه يطهر جروحي يمحي باقي أحزاني

أبيك تكثر الرهبه وقلبك ممتلي إيمان
وأبيك تشد من عزمي إذا همي تلقاني

أبي حبك ينسيني همومي وعالم الأحزان
وأبي قلبك يصبرني إذا جيتك أنا أعاني

أبيك تشيل من قلبي معام لوعة الحرمان
أبيك توقف بصفي إذا ظرفي تحداني

أبي حبك يجنني وينبش سماي ألوان
أبي قلبك يحسسني في صدق الحب لا جاني

أبيك الصاحب الوافي يحطني دايم بهيمان
أبيك العاشق المخلص يشافي دوم عطشاني

أبي عطشك أبي قربك أبي حب كما البنيان
أبي قلب كبير لا ملاه الشوق ناداني

أبي أمكن وسط قلبك لوحدي ما معي إنسان
أبملك كل تفكيرك وتملك كل وجداني


أبي قلبك يواعدني لو خان البشر ما خان
أبيك المغرم الهايم تبيع الروح من شاني


أبي أطلب طلب واحد رجيتك وهو المهم الآن
وأنا أدري مستحيل ترفض لأنك بجد تهواني


أبيك تعيش في قلبي إذا تسمح مدى الأزمان
أبيك تشوف ما تملك في قلبي وما تعداني